Jakarta...

Gw kagak ade bosen-bosennya cerite tentang ibukote kite nyang ajaib ini.

Kote nyang satu ini emang kagak ada dua nya deh.

Gw suke sekaligus benci ama absurditas warge nyang pade nangkring nyari nafke' di kote ini. Katenye Jakarte itu kote serebu kesempatan. Katenya Jakarta gampang nyari duit. Mangkanye byk orang yang hijrah dari kampung kemari. Ngimpi jadi orang gedongan. Biasanye tuh orang-orang pade dateng pas lebaran. Ngikut sodaranye nyang emang ude pade kerja di Jakarte. Seribu janji kemudahan hidup di Jakarte diumbar-umbar....pas nyampe....alahualam....boncos dah nyari kerjaan. Kalopun dapet musti mule dari baweh dulu. Kagak mungkin bisa langsung jadi orang gedongan. Itupun kalo jago ngejilatnye.....hehehe.....

Itu tadi urusan kerjaan nyari hepeng. Skrg urusan rumeh.....tempat tinggal. Di sini...ya jangan harep bisa nemuin angin semilir kayak di kampung sono. Syukur-syukur kalo nemu tempat tinggal nyang lu masi bisa liat langit. Gak usah ngayal punye rumeh. Boro-boro rumeh....tanah aje susah. Gilirannya nemu....punya duit....langsung megep-megep denger harge per meternye berape. Gini dah...di daerah Pondok Indeh...semeternye ude 2 jutaan pas tahun 90an akhir. Mau ngekos? Hayuk atuh...perjuangan nyari kos nyang harganye yahut dan lokasinye mantep plus kamarnye nyaman....ibarat nyari jarum dalem lumpur.

Tapiiiiiiiii......biar gitu tetep aje banyak yang dateng Jakarte....
Jadi yang gile sape ya?

...Nyambung lagi ye....


Regards,
Dandy